Comentarios en: Polémicas

By: ambrosiano

ambrosiano — Tue, 26 Aug 2008 12:26:07 +0000

Pois eu, ¿que queren que lles diga? Vexo que o meu nick e o meu correo aparecen aí, nos espazos previstos para eles sen que eu fixese nada, e déixome levar. ¡Malditas as ganas que teño de participar nesta polémica!

Lin con atención as argumentacións de Caneiro, de M.Pawley, de Jaureguizar e todos os comentarios que as acompañan. Estaba intrigado con este Caneiro do que tanto escoito falar e do que nada sei. (Delirio ou non delirio, romanticón ou non, non penso ler a súa novela e tampouco non lin ningunha outra súa, nin columnas da Voz)

Referíndome só a el (Caneiro) e as súas argumentacións neste espazo no que me meto sen que ninguén me chame, o que aprecio é unha polémica ben cativa, ben pobre, de pouco calado e de ningunha altura. (¡Toma contradicción!). O que aprecio é unha falta de madurez, un infantilismo bastante notable -e agudo- no tal Caneiro.

Se este é o grande gurú das nosas letras, ¡que o demo me leve!

E disimulen se se me toman como insultos o que só pretende ser unha constatación.

A estocada profunda dun polemista ó dereito non pode ser un choromiqueo pueril e inorde. (Non vai cara a ningures)

Saúdos.

By: Paco Penas

Paco Penas — Mon, 18 Aug 2008 00:01:04 +0000

E pensar que alguén que habita pola rectoral de Oza Dos Rios veu a Tenerife e recomendoume encarecidamente ler a Caneiro?
Aínda non o fixen pero deseguro que o seu amigo XL cando volva a Tenerife non esquecerá do agasallo. Tamén me gustaría saber se recomenda vostede lela ao sol ou a sombra. Gracias.
TENERIFE ISLA AMABLE

By: chesi

chesi — Fri, 11 Jul 2008 09:08:04 +0000

Gracias polas túas palabras, Xosé carlos. As recomendacións de Germán non son deshechables: Manolo Vilas, poeta e narrador, ten libros bós, moi bós; en poesía “El cielo”, “Resurrección” y “Calor”; en prosa, “Magia”, “Zeta” e “España”. Ferré, sobre todo en “La fiesta del asno”, fai cousas ó meu ver máis interesantes que Fernández Mallo. Como ensaista e narrador hai dous nomes orixinais: Vicente Luis Mora e Eloy Fernández Porta. Aínda que participou no libro “Mutantes” non pertence a “Generación Nocilla” Javier Pastor, con dúas novelas espléndidas (creo que con Vilas é o máis “escritor” de todos): “Fragmenta” e “Esa ciudad”. Apertas.

By: caneiro

caneiro — Fri, 04 Jul 2008 19:10:30 +0000

Oxalá esas lecturas sexan venturosas. Unha apreta.

By: Lucas

Lucas — Fri, 04 Jul 2008 17:22:26 +0000

Se ese é o único obxectivo do blog (o conversar sobre a novela), terá que recoñecer que limita grandemente desenvolver o que vostede mesmo denomina “a conversa intelixente, a discrepancia, as afinidades…”. Pola miña parte xa lle dixen que lla ía ler nas inmediatas vacacións. Pero debe comprender que, entre que chegan estas e o tempo que tardo en ler unha novela tan grosa, ademais de atender outras necesidades estivais (saír tomar unhas cañas, por exemplo) poden pasar algunhas semanas. Agora ándolle con outras lecturas máis urxentes e non precisamente novelas. Compréndao. Un saúdo.

By: caneiro

caneiro — Fri, 04 Jul 2008 17:02:03 +0000

Lucas, acabaremos conversando sobre a novela: velaquí o obxectivo do blog. O seu criterio, estou seguro, ha de ser interesante e literario. Un saúdo.

By: Lucas

Lucas — Fri, 04 Jul 2008 16:41:47 +0000

Di que ama os francotiradores, pero despois impón unhas condicións leoninas á hora de efectuar os disparos (metaforicamente falando). Eu moi tenro non lle son cos descoñecidos no plano persoal, pero tampouco teño odio, e menos a vostede. Non teño motivos. Un saúdo.

By: caneiro

caneiro — Fri, 04 Jul 2008 15:34:55 +0000

O interesante é saber que pensan as persoas que lean Bovary. O enriquecedor é intercambiar pareceres literarios. Ese foi o fin, duplo, co que naceu este blog. Non ten outro sentido: a conversa intelixente, a discrepancia, as afinidades… Teño a sensación de que o mundo da internet non é o meu mundo: só amo os francotiradores que disparan ao corazón dende a tenrura, non dende o odio. En todo caso, oxalá a novela prenda nos lectores e lectoras. Grazas.

By: lulú

lulú — Fri, 04 Jul 2008 14:29:15 +0000

Lucas: eu nunca leo na praia e menos estou en sitios de turismo masivo. En canto aos sitios recomendados xa os coñezo, moitas grazas polas súas suxerencias.

By: Lucas

Lucas — Fri, 04 Jul 2008 13:54:59 +0000

Nótoo un pouco tenso e á defensiva, Caneiro. O ton era, por suposto, irónico, pero non necesariamente respecto á súa novela. Claro que penso lela, de feito xa a merquei. Agardarei, igual que a súa siareira, a lela nas inmediatas vacacións, que non serán en Tenerife, abofé. E se mo permite, sigo mantendo que as súas novelas non son aptas para lerse na praia ou en lugares de turismo masivo (ou viceversa), dito sexa tanto con ironía como sen ironía. Un saúdo.